سورۃ الفاطر

پارہ 22 آیات 45 رکوع 5 مکی

تعارف

مقام نزول: یہ مکی سورت ہے۔

آیات کی تعداد: اس سورت میں (45) پینتالیس آیات ہیں۔

رکوعات: اس سورت میں (05) پانچ رکوع ہیں۔

سورة (فاطر) نام کا معنی: فاطر کا معنی پیدا کرنے والا

وجہ تسمیہ: اس سورت کا نام اس کی پہلی آیت سے لیا گیا ہے جس کا معنی ہے پیدا کرنے والا اس لفظ کی وجہ سے اس سورت کا نام سورت فاطر ہے۔

سورت کا دوسرا نام: اس سورت کا دوسرا نام سورت "الملائکہ" ہے کیوں کہ اس کی پہلی آیت میں کا فرشتوں کا ذکر بھی آیا ہے۔

زمانہ نزول: مکی زندگی کے درمیان میں نازل ہوئی تھی۔

شانِ نزول: سورۃ الفاطر کے نزول کا مقصد بنیادی طور پر اللہ تعالیٰ کی قدرت، اس کے خالق ہونے، اور تمام مخلوقات پر اس کے اختیار کی نشاندہی کرنا ہے۔ یہ سورۃ لوگوں کو توحید اور اللہ کی عظمت کے بارے میں یاد دلانے کے لیے نازل ہوئی۔

مرکزی خیال

اس سورت کا خلاصہ ‘مشرکین کو توحید اور آخرت پر ایمان لانے کی دعوت دینا’ ہے۔

اہم مضامین

قدرت الٰہی اللہ

اس سورت میں اللہ کی قدرتوں کا کثرت سے ذکر ہے کہ اللہ تعالیٰ غالب حکمت والا ہے وہ سب کا خالق و مالک ہے اور وہ سب کچھ جانتا ہے۔

زندگی کی حقیقت

اس سورت میں زندگی کے دھوکے اور شیطان کی دشمنی سے خبردار کیا گیا ہے کہ شیطان انسان کا کھلا دشمن ہے اور اس کے وعدے دھوکے پر مبنی ہیں۔

جھوٹے معبودوں کا ذکر

اس سورت میں شرک کی ہلاکت خیزی اور جھوٹے معبودوں کی بے بسی کا بھی ذکر کیا گیا ہے۔

اللہ تعالیٰ کی حکمت پر غور و فکر

اس سورت میں پہاڑوں اور جانوروں کے مختلف رنگوں کی حکمت میں غور و فکر کی دعوت دی گئی ہے اور واضح کیا گیا ہے کہ اللہ تعالیٰ کا حقیقی ڈر انہیں حاصل ہوتا ہے جو علم اور آگاہی سے آگے بڑھتے ہیں۔

قدرت کی نشانیوں پر غور کرنے کی تلقین

سورۃ فاطر میں موجود اللہ تعالیٰ کی قدرت کی نشانیوں پر غور کرنے سے درج ذیل تین باتیں واضح ہوتی ہیں: 1) جس رب نے یہ کائنات بنائی ہے، اسے اس کا نظام چلانے کے لیے کسی کی مدد کی ضرورت نہیں۔ 2) یہ کائنات بغیر مقصد کے پیدا نہیں کی گئی۔ 3) جو ذات اس کائنات کو وجود میں لائی ہے اس کے لیے اسے ختم کرنا کچھ مشکل نہیں۔ اور اسے ختم کر کے نئے سرے سے آخرت کا عالم پیدا کرنا بھی مشکل نہیں۔

خدمتِ قرآن پر بشارت

اس سورت میں قرآن مجید کی عظمت و صداقت کا ذکر فرماتے ہوئے سورۃ فاطر میں قرآن کی خدمت کرنے والوں کو جنت میں بلند درجات، اللہ کی قربت، دنیا و آخرت میں برکت اور بہترین جزا کی بشارت دی گئی ہے۔ یہ بشارت انسان کو قرآن پڑھنے، سمجھنے اور اس پر عمل کرنے کی ترغیب دیتی ہے۔

نافرمانوں کا بیان

اس سورت کے آخر میں مشرکین اور اللہ تعالیٰ کے نافرمان لوگوں کے برے انجام کا بیان ہے۔ جو لوگ اللہ کے پیغام کو جھٹلاتے ہیں، نبی ﷺ کی ہدایات پر عمل نہیں کرتے اور دنیاوی زندگی میں فخر و غرور اختیار کرتے ہیں، ان کا انجام قیامت کے دن عذاب و ہلاکت ہو گا۔

اختتام

سورۃ الفاطر کے اختتام میں قیامت، اللہ کی قدرت، اور نیک اور بدکار لوگوں کے انجام پر زور دیا گیا ہے۔ سورت کے مرکزی پیغام توحید، نیکی، اور آخرت کی تیاری کو مضبوط کرتا ہے۔ سورۃ کا اختتام یہ سبق دیتا ہے کہ اللہ کی قدرت پر یقین رکھو، قیامت کی تیاری کرو، نیک اعمال اختیار کرو اور شکر ادا کرو۔ یہ انسان کو توحید، تقویٰ اور آخرت کی فکر کی طرف راغب کرتا ہے۔

علمی و عملی نکات

اللہ کا عطا کرنا

اللہ تعالیٰ جب کسی کو کچھ عطا فرمائے تو کوئی اسے روکنے والا نہیں اور جب اللہ تعالیٰ کسی سے کچھ روک لیتا ہے تو کوئی اسے دے نہیں سکتا ہے۔ (سورۃ الفاطر: 2)

اللہ رازق ہے

اللہ تعالیٰ ہمارا رازق ہے۔ ہمیں اس کے احسانات کو ہمیشہ یاد رکھنا چاہیے۔ (سورۃ الفاطر: 3)

دنیا کا دھوکہ

آخرت کا وعدہ سچا ہے۔ ہمیں ہر وقت چوکنا رہنا چاہیے کہ کہیں دنیا کی زندگی ہمیں دھوکے میں نہ ڈال دے۔ (سورۃ الفاطر: 5)

شیطان کی دشمنی

ہمیں ہمیشہ اس بات کو یاد رکھنا چاہیے کہ شیطان ہمارا سب سے بڑا دشمن ہے جو ہمیں جہنم میں لے جانا چاہتا ہے۔ (سورۃ الفاطر: 6)

شرک کا انجام

اللہ تعالیٰ کلمہ توحید کو اختیار کرنے اور نیک اعمال کرنے والوں کو عزت عطا فرماتا ہے جبکہ شرک کرنے اور سازشیں کرنے والوں پر اللہ تعالیٰ عذاب نازل کرتا ہے۔ (سورۃ الفاطر: 10)

انسان کی محتاجی

تمام انسان اللہ تعالیٰ کے محتاج ہیں اور وہ کسی کا محتاج نہیں۔ (سورۃ الفاطر: 15)

اپنا بوجھ اٹھانا

قیامت کے دن کوئی کسی کا بوجھ نہیں اٹھا سکے گا۔ ہر ایک کو اپنے گناہوں کا بوجھ خود اٹھانا ہو گا۔ (سورۃ الفاطر: 18)

قرآن اور نماز کی فضیلت

قرآن مجید کی تلاوت کرنا، نماز قائم کرنا اور اللہ تعالیٰ کی راہ میں خرچ کرنا ایک ایسی تجارت ہے جس میں کسی نقصان کا اندیشہ نہیں ہے۔ (سورۃ الفاطر: 31-32)

اللہ کی مہلت

اللہ تعالیٰ گناہوں پر فوراً سزا نہیں دیتا، بلکہ مہلت عطا فرماتا ہے تاکہ انسان برے اعمال سے توبہ کر لے۔ (سورۃ الفاطر: 45)

کثیرالانتخابی سوالات

سورت فاطر کا دوسرا نام ہے

فاطر کا معنی ہے

قرآن مجید میں پہاڑوں اور جانوروں کا ذکر کر کے دعوت دی گئی ہے

سورت فاطر کے مطابق اللہ تعالیٰ کا حقیقی ڈر حاصل ہوتا ہے

قیامت کے دن انسان کے گناہوں کا بوجھ اٹھائیں گے

مختصر سوالات

سورت فاطر کا یہ نام کیوں رکھا گیا؟˅

یہ نام پہلی آیت سے لیا گیا ہے جس کی معنی پیدا کرنے والے کے ہیں۔ اس لیے سورت کا نام سورت فاطر ہے۔

سورت فاطر کا خلاصہ لکھیں؟˅

سورت فاطر کا خلاصہ "مشرکین کو توحید اور آخرت کی دعوت دینا" ہے۔

سورت فاطر کے دو علمی و عملی نکات لکھیں؟˅

٭تمام انسان اللہ تعالیٰ کے محتاج ہیں اور وہ کسی کا محتاج نہیں ہے۔ ٭قیامت کے دن ہر انسان کو اپنے اعمال کا بوجھ خود اٹھانا ہے۔

سورت فاطر کا دوسرا نام؟ اور اس کی وجہ کیا ہے؟˅

سورت فاطر کا دوسرا نام الملائکہ ہے اور اس وجہ یہ ہے کہ اس سورت کی دوسری آیت میں فرشتوں کا ذکر ہے۔

→ پچھلی سورتسورۃ السباء جماعت کی طرف واپس اگلی سورتسورۃ یٰس ←

الہاشمی نوٹس برائے ترجمۃ القرآن