سورۃ الْكَهْف قرآن مجید کی ترتیبِ توقیفی میں 18 نمبر کی سورت ہے۔
مقام نزول
سورۃ الکھف کا مقام نزول مکہ مکرمہ ہے۔
آیات بینات
سورۃ الکھف کی آیات بینات کی تعداد (110) ایک سو دس ہے۔
رکوعات
رکوعات کی تعداد (12) بارہ ہے۔
وجہ تسمیہ
اس سورت میں اصحاب کہف کا ذکر آیا ہے اور الکھف کا لفظ آیا ہے جس کے معنی "غار" کے ہیں اسی مناسبت سے اس سورت کو سورۃ الکھف کہا جاتا ہے۔
اہل مکہ کے نبی سے سوالات
اہل مکہ نے نبی کریم صلی اللہ علیہ و آلہ واصحابہ وسلم سے روح، ذوالقرنین اور اصحاب کہف کے بارے میں سوالات کیے۔
اہل مکہ کے سوالات کے جوابات
سورۃ الکھف میں ذوالقرنین اور اصحاب کہف کے بارے میں سوالات کے جوابات دیے گئے اور روح سے متعلق سورۃ بنی اسرائیل میں جواب دیا گیا ہے۔
شان نزول
یہ سورت اس وقت نازل ہوئی جب اعلانیہ دعوت اسلام کا اعلان ہو چکا تھا اس ابتدائی زمانے میں کفار کے ظلم و ستم کا شکار مسلمانوں کو اصحاب کہف کا واقعہ سنا کر حوصلہ دیا گیا کہ دعوت اسلام کے عظیم کام میں ہر دور میں داعیانِ اسلام کو تکالیف اٹھانا پڑی ہیں۔
فضیلت
نبی ﷺ نے فرمایا "جو شخص جمعہ کے دن سورۃ الکھف پڑھے گا اس کے لیے دو جمعوں کے درمیان نور روشن کر دیا جائے گا۔ جس نے سورۃ الکھف کی ابتدائی دس آیات یاد کر لیں اسے دجال کے فتنہ سے محفوظ کر لیا گیا"۔
مرکزی خیال
اس سورت کا مرکزی موضوع “انسان کو اس بات کا شعور دلانا ہے کہ اللہ تعالیٰ کی دی ہوئی ہر نعمت میں انسان کی آزمائش ہوتی ہے، اور آزمائش میں پورا اترنے والا ہی حقیقی معنوں میں بندہ مؤمن کہلاتا ہے”۔
اہم مضامین
نبی کریم کو تسلی
سورۃ الکہف کا پہلا رکوع مقدمہ کی حیثیت رکھتا ہے۔ جس میں نبی کریم کو تسلی دی گئی ہے کہ آپ ان مشرکین کی وجہ سے خود کو غم میں مبتلا نہ کریں۔
اصحاب کہف کا واقعہ
راہ حق میں پیش آنے والی مشکلات کے حوالے سے مسلمانوں کو تسلی دیتے ہوئے اصحاب کہف کا واقعہ سنایا گیا ہے۔ یہ صاحب ایمان لوگ تھے۔ بادشاہ کے ظلم و ستم سے تنگ آکر جان بچانے کے لیے انھوں نے ایک غار میں جا کر پناہ لی۔ اللہ تعالیٰ نے ان پر نیند طاری فرما دی۔ اس کے بعد ان کو اٹھایا گیا جو 309 سال کا عرصہ ایک غار میں سوئے رہے۔
دوبارہ زندہ ہونے کی دلیل
اصحاب کہف کا واقعہ ان لوگوں کے لیے دلیل تھا جو مرنے کے بعد دوبارہ اٹھائے جانے کا انکار کر رہے تھے۔ اصحاب کہف کا ذکر کر کے ان کو یہ نصیحت کی گئی ہے کہ اہل ایمان کے ساتھ اپنے تعلق کو مضبوط رکھیں اور غافل لوگوں سے اپنے آپ کو دور رکھیں۔
اللہ تعالیٰ کا شکر ادا کرنے کی اہمیت
اللہ تعالیٰ کا شکر ادا کرنے کی اہمیت کو مثال دے کر واضح کیا گیا ہے۔ سورہ الکہف میں دنیا کی بے ثباتی اور عارضی ہونے کو مثال دے کر بیان کیا گیا ہے۔
حضرت موسیٰؑ اور حضرت خضرؑ کا تذکرہ
سورۃ الکہف میں حضرت موسیٰؑ اور اللہ تعالیٰ کے نیک بندے حضرت خضرؑ کی ملاقات کا تذکرہ کیا گیا ہے۔ حضرت موسیٰؑ نے حضرت خضرؑ سے ملاقات کی، کچھ وقت ان کے ساتھ گزارا اور حضرت خضرؑ کے کچھ امور یعنی کشتی میں سوراخ کرنا، بچے کو قتل کرنا اور دیوار مرمت کرنا دیکھے تو اپنی تشویش کا اظہار کیا جس پر حضرت خضرؑ نے تمام باتوں کی وضاحت کرتے ہوئے توجیہ بیان فرما دی اور فرمایا کہ یہ تمام امور اللہ تعالیٰ کی طرف سے دیے گئے حکم کی تعمیل میں انجام دیے گئے ہیں۔
ذوالقرنین کا تذکرہ
سورۃ الکہف میں ذوالقرنین کا تذکرہ ہے ذوالقرنین کا معنیٰ ہے "دو کناروں والا" ہے۔ ذوالقرنین عدل کرنے والا اور اللہ تعالیٰ اور آخرت پر ایمان رکھنے والا حکمران تھا۔
یاجوج ماجوج
ذوالقرنین نے یاجوج ماجوج کو زمین میں قتل و غارت کرنے اور فساد پھیلاتے ہوئے دیکھا تو انھیں پہاڑوں کے درمیان لوہے اور تانبے سے ایک مضبوط دیوار بنا کر قید کر دیا۔ قرب قیامت میں یہی یاجوج ماجوج آزاد ہوں گے اور زمین میں فساد پھیلائیں گے۔ یہ فساد قیامت کی نشانیوں میں سے ایک نشانی ہے۔ (یاجوج ماجوج حضرت نوح علیہ السلام کے بیٹے یافث کی اولاد ہیں)
دنیا خسارے کی جگہ
سورۃ الکہف کے آخر میں نبی کریم کو مخاطب کرتے ہوئے ارشاد فرمایا گیا ہے کہ آپ ان کو بتا دیں کہ سب سے زیادہ خسارے والا وہ ہے جو دنیا کے پیچھے پڑا، اللہ تعالیٰ کے ذکر اور قیامت کے دن اللہ تعالیٰ سے ملاقات یعنی آخرت کا منکر ہو گیا۔
ایمان والوں کو جزاء
جو لوگ ایمان لائے اور نیک اعمال کیے ان کے لیے جنت الفردوس کی نعمتیں ہوں گی جس میں وہ ہمیشہ ہمیشہ رہیں گے۔
آپ ﷺ فرما دیں میں تو تمھارے ہی جیسا بشر ہوں میری طرف وحی کی جاتی ہے کہ تمھارا معبود ایک ہی معبود ہے تو جو شخص اپنے رب سے ملاقات کی امید رکھتا ہو تو اسے چاہیے کہ نیک عمل کرے اور اپنے رب کی عبادت میں کسی کو شریک نہ کرے۔
کثیرالانتخابی سوالات
اصحاب کہف نے غار میں پناہ لی:
کہف کا معنی ہے:
اصحاب غار میں سوئے رہے:
ذوالقرنین نے یاجوج ماجوج کو دو پہاڑوں کے درمیان قید کیا:
یاجوج ماجوج حضرت نوحؑ کے کس بیٹے کی اولاد ہیں:
مختصر سوالات
سورت الکہف کا مرکزی موضوع بیان کریں؟˅
اس سورت کا مرکزی موضوع "انسان کو اس بات کا شعور دلانا ہے کہ اللہ تعالیٰ کی دی ہوئی ہر نعمت میں انسان کی آزمائش ہوتی ہے، اور آزمائش میں پورا اترنے والا ہی حقیقی معنوں میں بندہ مؤمن کہلاتا ہے"۔
ذوالقرنین کے بارے میں آپ کیا جانتے ہیں؟˅
سورۃ الکہف میں ذوالقرنین کا تذکرہ ہے ذوالقرنین کا معنیٰ ہے دو کناروں والا ہے۔ ذوالقرنین عدل کرنے والا اور اللہ تعالیٰ اور آخرت پر ایمان رکھنے والا حکمران تھا۔ ذوالقرنین نے یاجوج ماجوج کو زمین میں قتل و غارت کرنے اور فساد پھیلاتے ہوئے دیکھا تو انھیں پہاڑوں کے درمیان لوہے اور تانبے سے ایک مضبوط دیوار بنا کر قید کر دیا۔ قرب قیامت میں یہی یاجوج ماجوج آزاد ہوں گے اور زمین میں فساد پھیلائیں گے۔ یہ فساد قیامت کی نشانیوں میں سے ایک نشانی ہے۔ (یاجوج ماجوج حضرت نوح علیہ السلام کے بیٹے یافث کی اولاد ہیں)
حضرت خضر ؑ کے تین حکمت بھرے امور لکھیں؟˅
سورۃ الکہف میں حضرت موسیٰؑ اور اللہ تعالیٰ کے نیک بندے حضرت خضرؑ کی ملاقات کا تذکرہ کیا گیا ہے۔ حضرت موسیٰؑ نے حضرت خضرؑ سے ملاقات کی، کچھ وقت ان کے ساتھ گزارا اور حضرت خضرؑ کے کچھ امور یعنی کشتی میں سوراخ کرنا، بچے کو قتل کرنا اور دیوار مرمت کرنا دیکھے تو اپنی تشویش کا اظہار کیا جس پر حضرت خضرؑ نے تمام باتوں کی وضاحت کرتے ہوئے توجیہ بیان فرما دی اور فرمایا کہ یہ تمام امور اللہ تعالیٰ کی طرف سے دیے گئے حکم کی تعمیل میں انجام دیے گئے ہیں۔
سورت الکہف میں اصحاب کہف کا واقعہ بیان کرنے کا مقصد بیان کریں؟˅
اصحاب کہف کا واقعہ ان لوگوں کے لیے دلیل تھا جو مرنے کے بعد دوبارہ اٹھائے جانے کا انکار کر رہے تھے۔ اصحاب کہف کا ذکر کر کے ان کو یہ نصیحت کی گئی ہے کہ اہل ایمان کے ساتھ اپنے تعلق کو مضبوط رکھیں اور غافل لوگوں سے اپنے آپ کو دور رکھیں۔
یاجوج ماجوج سے کیا مراد ہے؟˅
یاجوج ماجوج حضرت نوح ؑ کے بیٹے یافث کی اولاد میں سے ہیں۔ یہ اپنے ارد گرد رہنے والے لوگوں کو تنگ کیا کرتے تھے اور ان پر ظلم و ستم ڈھایا کرتے تھے۔ ذوالقرنین بادشاہ نے انہیں لوہے اور تانبے کی دیوار بنا کر قید کر دیا تھا۔ قرب قیامت میں یہی یاجوج ماجوج آزاد ہوں گے جو ہر طرف تباہی پھیلائیں گے جو قیامت کی ایک نشانی ہے۔