الہاشمی نوٹس برائے ترجمۃ القرآن المجید

نہم جماعت دہم جماعت گیارہویں جماعت بارہویں جماعت
دہم جماعت کے لیے

سورۃ یُونُس

پارہ 11 آیات 109 رکوع 11 مکی

تعارف

اس سورت کا نام سورۃ یونس ہے۔

پارہ نمبر

اس سورت کا پارہ نمبر 11 ہے۔

سورت نمبر

سورۃ یونس قرآن مجید کی ترتیبِ توقیفی میں 10 نمبر کی سورت ہے۔

مقام نزول

یہ سورت مکہ مکرمہ میں نازل ہوئی۔

آیات بینات

اس سورت میں (109) ایک سو نو آیات ہیں۔

رکوعات

اس سورت میں (11) گیارہ رکوع ہیں۔

وجہ تسمیہ

اس سورت کا نام آیت نمبر اٹھانوے میں حضرت یونسؑ کا نام سے مذکور ہے۔

ابتداء

اس سورت کی ابتداء حروف مقطعات میں سے الر سے ہوتی ہے۔ حروف مقطعات ایسے حروف جن کے معانی اللہ اور اس کا رسول جانتے ہیں۔

فضیلت سورت

ایک شخص حضرت محمد ﷺ کی خدمت میں حاضر ہوا اور کہا "اللہ کے رسول مجھے قرآن پڑھا دیں! آپ نے فرمایا ان تین سورتوں کو پڑھ لو جن کے شروع میں الر ہے اس نے جواب دیا میں بوڑھا ہو گیا ہوں۔ میرا دل سخت اور زبان موٹی ہو گئی ہے۔ آپ نے کہا پھر حم والی تین سورتیں پڑھ لو اس نے دوبارہ وہی جواب دیا آپ نے فرمایا پھر مسبحات والی تین سورتیں پڑھ لو اس نے پھر وہی کہا اور عرض کی کہ مجھے ایک جامع سورت سکھا دیں رسول نے ان کو سورت الزلزال سکھائی جب آپ نے سکھا دی تو اس نے کہا اس ذات کی قسم جس نے آپ کو رسول بنا کر بھیجا، میں کبھی اس سے زیادہ نہیں کروں گا جب وہ آدمی واپس گیا تو نبی کریم ﷺ نے فرمایا کہ یہ ضعیف کامیاب ہو گیا"۔ **الر والی تین سورتیں:** سورۃ یونس، سورۃ ہود، سورۃ یوسف **حم والی تین سورتیں:** سورۃ الغافر، سورۃ فصلت، سورۃ الشوریٰ

مرکزی خیال

اس سورت کا مرکزی موضوع “عقیدہ توحید، رسالت، قیامت کا دلائل کے ساتھ اثبات اور مشرکین کے عقائد باطلہ کی تردید” ہے۔

اہم مضامین

حکمت والی آیات
اس سورت کی ابتدائی آیات کو حکمت والی آیات کہا گیا ہے۔ قریش کی حالت کے متعلق ارشاد فرمایا گیا ہے کہ یہ حکمت والی آیات جو اللہ نے نبی کریم پر نازل فرمائی ہیں یہ ہوتا کہ وہ ان کی قدر کرتے لیکن وہ اپنی ضد کی وجہ سے اس نبی کو (نعوذباللہ) ساحر کہتے تھے۔
اللہ تعالیٰ کی قدرت کاملہ اور توحید
اس سورت میں اللہ کی قدرت کاملہ اور توحید کے ثبوت پر تفصیلی دلائل دیتے ہوئے ارشاد فرمایا گیا ہے کہ وہی اللہ ہے جس نے سورج کو تیز روشنی اور چاند کو نور والا بنایا۔ چاند کی منزلیں مقرر کیں تاکہ تم سالوں کی گنتی اور حساب کر سکو۔ دن و رات کو پیدا فرمایا اور زمین و آسمان میں جو کچھ ہے اور ان میں موجود جو کچھ ہے اللہ تعالیٰ نے بے شمار نشانیاں رکھی ہیں۔
قیامت کے احوال
اللہ تعالیٰ نے قیامت کا ذکر کرتے ہوئے فرمایا کہ جب اللہ تعالیٰ کفار کو قیامت کے دن اکٹھا کرے گا تو انھیں دنیا گزری ہوئی زندگی مختصر محسوس ہو گی۔ ان کے خدا ان سے اظہار براءت کر دیں گے۔ وہ کہیں گے تم ہماری عبادت نہیں کرتے تھے۔ ہر شخص کو اپنے اعمال کا پتہ چل جائے گا جو اس نے کیے تھے۔
بت پرستی کے دلائل
اس سورت میں بت پرستی کے دلائل دیے گئے ہیں کہ کفار یہ بھی جانتے تھے کہ اللہ رزق دینے والا ہے، کانوں اور آنکھوں کا مالک، زندہ کو مردہ اور مردہ کو زندہ کرنے والا، ہر کام کی تدبیر کرنے والا صرف اللہ ہے۔ اس کے باوجود یہ اس سے نہیں ڈرتے تھے۔
قرآن مجید کی حقانیت
قرآن مجید کوئی من گھڑت کتاب نہیں، اگر کسی کو اس کی صداقت میں شک ہے تو وہ اس طرح کی ایک اور کتاب لے آئے لیکن کفار اپنے باپ دادا کی طرح قرآن کو جھٹلا رہے تھے۔
اعمال کی ذمہ داری
نبی کریم کو کہا گیا اگر یہ نہیں مانتے تو ان کو بتا دیں کہ یہ اپنے اعمال کے ذمہ دار خود ہوں گے اور میں اپنے اعمال کا۔ آپ کا کام صرف اللہ کا پیغام دینا ہے۔
انبیاء کرام ؑ کا تذکرہ
سورۃ یونس کے آخر میں آپ ﷺ کو اور صحابہ کرام کو تسلی دی گئی ہے کہ ان انبیائے کرامؑ کی اقوام نے ان کو جھٹلایا اور سرکش بن گئے تو اللہ نے ایمان والوں اور رسولوں کو بچا لیا اور ان کو برباد کر دیا۔

کثیرالانتخابی سوالات

قیامت کے دن کفار کو دنیا کی زندگی محسوس ہو گی
سورت یونس کے ابتدائی حروف ہیں
قیامت کے دن کفار کے خدا ان سے کریں گے
سورت یونس میں آخرت کو کہا گیا ہے
سورت یونس قرآن کی سورت ہے

مختصر سوالات

سورت یونس کا مرکزی موضوع تحریر کریں؟˅
اس سورت کا مرکزی موضوع "عقیدہ توحید، رسالت، قیامت کا دلائل کے ساتھ اثبات اور مشرکین کے عقائد باطلہ کی تردید" ہے۔
سورت یونس میں اللہ تعالیٰ کی قدرت کے دو دلائل دیں؟˅
وہی اللہ ہے جس نے سورج کو تیز روشنی اور چاند کو نور والا بنایا۔ چاند کی منزلیں مقرر کیں تاکہ تم سالوں کی گنتی اور حساب کر سکو۔ دن و رات کو پیدا فرمایا اور زمین و آسمان میں جو کچھ ہے اور ان میں موجود جو کچھ ہے اللہ تعالیٰ نے بے شمار نشانیاں رکھی ہیں۔
بت پرستی کے دو دلائل دیں؟˅
اس سورت میں بت پرستی کے دلائل دیے گئے ہیں کہ کفار یہ بھی جانتے تھے کہ اللہ رزق دینے والا ہے، کانوں اور آنکھوں کا مالک صرف اللہ ہے۔ زندہ کو مردہ اور مردہ کو زندہ کرنے والا، ہر کام کی تدبیر کرنے والا صرف اللہ ہے۔
سورت یونس میں قرآن مجید کی حقانیت بیان کر کے کفار کو کیا چیلنج دیا گیا ہے؟˅
قرآن مجید کوئی من گھڑت کتاب نہیں، اگر کسی کو اس کی صداقت میں شک ہے تو وہ اس طرح کی ایک اور کتاب لے آئے۔
سورت یونس میں حضرت محمد ﷺ کو انبیائے کرام ؑ کے واقعات سے کیسے تسلی دی گئی ہے؟˅
سورۃ یونس کے آخر میں آپ ﷺ کو اور صحابہ کرام کو تسلی دی گئی ہے کہ ان انبیائے کرام ؑ کی اقوام نے ان کو جھٹلایا اور سرکش بن گئے تو اللہ نے ایمان والوں اور رسولوں کو بچا لیا اور ان کو برباد کر دیا۔

دعائیں

یٰۤاَیُّهَا النَّاسُ قَدْ جَآءَتْكُمْ مَّوْعِظَةٌ مِّنْ رَّبِّكُمْ وَ شِفَآءٌ لِّمَا فِی الصُّدُوْرِۙ-وَ هُدًى وَّ رَحْمَةٌ لِّلْمُؤْمِنِیْنَ(۵۷)
اے لوگو! تمہارے پاس تمہارے رب کی طرف سے نصیحت آئی (ف۱۳۸) اور دلوں کی صحت اور ہدایت اور رحمت ایمان والوں کے لیے
جسمانی اور روحانی امراض کیلئے
فَقَالُوْا عَلَى اللّٰهِ تَوَكَّلْنَاۚ-رَبَّنَا لَا تَجْعَلْنَا فِتْنَةً لِّلْقَوْمِ الظّٰلِمِیْنَۙ(۸۵) وَ نَجِّنَا بِرَحْمَتِكَ مِنَ الْقَوْمِ الْكٰفِرِیْنَ(۸۶)
اے ہمارے رب! ہمیں ظالم قوم کیلئے آزمائش نہ بنا (ف۱۸۱) اور اپنی رحمت فرما کر ہمیں کافروں سے نجات دے (ف۱۸۲)
ظالموں سے نجات کیلئے
→ پچھلی سورتسورۃ الأعراف جماعت کی طرف واپس اگلی سورتسورۃ هُود ←